Prof. José Carlos Cabaleiro Domínguez

Asesor científico

José Carlos é Catedrático de Universidade no ámbito de Arquitectura de Computadores da Universidade de Santiago de Compostela. Obtivo a súa licenciatura en 1989 e doutorouse en 1994, ambos en Física e pola mesma Universidade.

Ao longo da súa carreira investigadora, traballou no ámbito da computación de altas prestacións, concretamente no desenvolvemento de algoritmos paralelos para clústers e supercomputadores, optimización de rendemento e aproveitamento da xerarquía de memoria en problemas irregulares, predición, modelado e mellora do rendemento de aplicacións paralelas, algoritmos eficientes para o procesamento de datos LiDAR, entre outros temas. Publicou máis de 45 artigos en revistas indexadas e máis de 60 contribucións en conferencias internacionais.

Coordinou e participou en diversos proxectos de investigación nacionais e internacionais e contratos con empresas, e dirixiu once teses doutorais.